Яндекс.Метрика

Telegram yoki LMS?

Jan 17 / Komil Jalilov
O‘zbekistonda Telegram nafaqat muloqot yoki axborot vositasi, balki onlayn ta’lim vositasi sifatida ham ommalashgani sir emas: ko‘plar Telegram orqali onlayn kurslar taklif qilishadi yoki shunday kurslarda o‘qishgan. Shu bilan birga, o‘z kurslarini maxsus platformalar (o‘rganishni boshqarish tizimlari – Learning Management Systems, LMS) orqali yo‘lga qo‘yganlar ham ko‘paymoqda. Masalan, BilimEra kurslari ham shunday platforma (LMS) orqali taklif qilinadi. Keling, Telegram va LMS orqali o‘rganishning asosiy farqlarini ko‘rib chiqamiz.

Tizimlilik va tartib
Telegram — muloqot uchun ajoyib vosita, ammo u ta’lim uchun maxsus moslashtirilmagan. Unda xabarlar va materiallar bitta uzun lentaga joylashadi. Agar siz kursga kechroq qo‘shilsangiz yoki birorta darsni qayta o‘rganmoqchi bo'lsangiz, uzun xabarlar lentasidan kerakli materialni qidirib topib olishingiz kerak.
Maxsus platforma – LMSda materiallar tartib bilan va tushunarli iyerarxiya (ketma-ketlik) asosida joylashadi: kurslar, bo‘limlar, darslar. LMSga o‘z login va parolingiz bilan kirganingizda ayni paytda qaysi kurslarni o‘qiyotganingizni va o‘zlashtirishning qaysi bosqichida ekanligingizni ko‘rib turasiz.

O‘qiyotgan kursingizga kirsangiz, kursning mundarijasi ko‘z oldingizda turadi va tizim hozir qaysi darsda ekanligingizni, qaysi darslarni tugatganingizni ko‘rsatib boradi. 

LMS dars kontentini (matn, rasm, video va hokazo) chroyli, vizual tarzda o‘ziga tortadigan qilib joylashtirish imkonini beradi. Bu esa o‘zlashtirish jarayonini yanada jozibaliroq qiladi. 

Empty space, drag to resize

O‘zlashtirishni nazorat qilish
Telegram orqali o‘zlashtirishni nazorat qilish qiyin. To‘g‘ri, telegram kanalda ham testlar qilish mumkin, lekin faqat ularning turi va imkoniyatlari cheklangan.

LMSda testlarning turli shaklarini (multiple choice, matching, essay va hokazo) ishlatish mumkin. Siz javoblaringizni tahlil qilib, xatolar ustida ishlashingiz mumkin. LMS natijalaringizni eslab qoladi – siz natijangizdan qoniqmasangiz, testni qayta ishlab ko‘rishingiz mumkin. Shuningdek, LMS test uchun vaqtni chegaralash imkonini beradi. Bu, ayniqsa, imtihonlarga tayyorlanishda juda muhim, chunki imtihonlarda vaqt chegaralangan bo‘ladi va bunga tayyor bo‘lib borish kerak. LMS testda ma’lum natija qayd etmaguningizcha keyingi darsga o‘tkazmasligi ham mumkin – bu keyingi mavzuga o‘tishdan oldin oldingisini o‘zlashtirganingizga ishonch hosil qilish imkonini beradi.

LMS testlarning har xil turidan foydalanish imkonini beradi. 

LMSda test tahlilini ko‘rish va testni qayta topshirish mumkin. 

Empty space, drag to resize

Istalgan joyda davom ettirish 
Shuningdek, LMSda hamma ma’lumotlar bulutda saqlanadi va qurilmangiz xotirasini band qilmaydi. Siz LMSga istalgan joydan va istalgan qurilmadan (kompyuter, planshet, telefon) o‘z login va parolingiz bilan kirganingizda to‘xtab qolgan joyingizdan davom ettirishingiz mumkin.  

Empty space, drag to resize

Demak, maxsus platformalar (LMS) o‘rganish jarayonini qulayroq va samaraliroq qiladigan bir qancha qo‘shimcha imkoniyatlarni taklif qiladi, chunki ular aynan masofaviy o‘rganish jarayonini qo‘llab-quvvatlash uchun maxsus yaratilgan. Siz BilimEra'da akkaunt ochib, o‘rganishni hozirdanoq boshlashingiz mumkin – bu qiyin emas (akkaunt ochish uchun yo‘riqnoma bu yerda).